ТОШКЕНТ, 3 май — Sputnik. Ўзбекистон президенти Шавкат Мирзиёевнинг топшириғига мувофиқ, жорий йил 2 май куни Туркияга коронавирус инфекцияси тарқалишини бартараф этиш учун зарур бўлган тиббий буюмлардан иборат инсонпарварлик ёрдами юборилди.
ЎзА хабарига кўра, “Uzbekistan Airways” томонидан ажратилган юк самолётида Истанбул шаҳрига мамлакатда ишлаб чиқарилган бир марталик респиратор Ecos N 95 тиббий ниқобидан бир миллион дона етказиб берилган.
“Президентимиз ташаббуси билан муборак Рамазон ойида Туркияга шундай оғир кунларда кўрсатилган ёрдам Ўзбекистон билан Туркия ўртасидаги қардошлик муносабатлари юқори даражада эканидан далолатдир”, - дейилган хабарда.
Аввалроқ Ўзбекистон Ҳиндистонга инсонпарварлик ёрдами жўнатган эди.