ТОШКЕНТ, 23 апр – Sputnik. Ўзбекистонда кеча 345 кишида коронавирус қайд этилди, деб хабар бермоқда Соғлиқни сақлаш вазирлиги ахборот хизмати.
Янги касалланиш ҳолатлари Республиканинг барча ҳудудларида қайд этилган ва умумий касалланганлар сони 88 280 киши етган.
Инфекция энг кўп Тошкент вилояти (58) ва Тошкент шаҳрида (206) аниқланган.
Кеча кун давомида инфекциядан тузалганлар сони 225 нафарга етган ва соғайиш кўрсаткичи 97 фоизни ташкил қилмоқда.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 641 нафарни ташкил қилди.
Айни пайтда тиббиёт муассасаларида даволанаётган 2407 нафар бемордан 238 нафари оғир, 113 нафари эса ўта оғир аҳволда.