ТОШКЕНТ, 21 апр — Sputnik. Душанбе-Тошкент йўналишида қўшимча парвозлар очилиши эълон қилди, деб хабар қилди Sputnik Тожикистон “Сомон Эйр” авиакомпанияси матбуот марказига асосан.
Энди парвозлар ҳафтада 2 марта - душанба ва жума кунлари амалга оширилади.
Душанба куни Тожикистон пойтахтидан учиш вақти соат 09:30, Тошкентдан маҳаллий вақт билан соат 11:50да амалга оширилади. Жума куни Душанбедан парвоз эрталаб соат 09:20да, Тошкентдан соат 11.20да амалга оширилади.
Ўзбекистон томонининг талабига асосан чет элдан келган барча йўловчилар парвоздан 72 соат олдин коронавирусга ПЦР-тестдан ўтишлари керак. Ҳужжат рус ёки инглиз тилларида бўлиши керак. Тест 2 ёшгача бўлган болаларга тааллуқли эмас.
Бу шартлар бажарилмаган ҳолатда ва COVID-19 аломатлари бўлган йўловчилар рўйхатга олинмайди ва самолётга қўйилмайди.
Шунингдек, Ўзбекистондан Тожикистонга учадиганлар учун ҳам худди шундай коронавирус инфекцияси йўқлиги ҳақида маълумотнома (ПЦР-тест) бўлиши керак (3 ёшгача бўлган болалар бундан мустасно).
Тошкентдан Душанбеда саёҳат қилаётган чет элликларда Тожикистон ваколатли органидан кириш учун рухсатнома ёки виза ва COVID-19 йўқлиги тўғрисидаги маълумотнома бўлиши керак.