ТОШКЕНТ, 20 апр — Sputnik. Тошкент вилоятидаги 14 та мактаб ва 15 та синф карантинга олинди. Бу ҳақда вилоят ҳокимлиги матбуот хизмати хабар қилмоқда.
Ўрта Чирчиқ туманидаги 3, 54-сонли мактаблар, Бўка туманидаги 2-сонли умумий ўрта таълим мактаби, Чирчиқ шаҳридаги 8, 9-сонли, Пискент туманидаги 36-сонли, Паркент туманидаги 22,51-сонли, Тошкент туманидаги 9,12,17,18-сонли ҳамда Олмалиқ шаҳридаги 17-мактаб, Нурафшон шаҳридаги 1-сонли мактаблар ўқиш жараёнларини тўлиқ онлайн олиб боришяпти.
Шунингдек, Ўрта Чирчиқ туманидаги 50-сонли умумтаълим мактабининг 3 та синфи, Бўка туманининг 6-мактабнинг 8 та синфи ва 15-мактабнинг ҳам 1 та синф, Зангиота туманидаги 34 сонли умумтаълим мактабининг 3 та синфлари онлайн режимига ўтказилган.
Мазкур мактабларнинг 30 нафар ўқувчилари ҳамда 25 нафар ўқитувчиларда коронавирус аниқланган.
Эслатиб ўтамиз, махсус комиссия йиғилишида Абдулла Арипов коронавирус 11-15 фоиз ҳолатда умумий ўрта таълим муассасаларида қайд этилаётганини маълум қилган эди.
Санитария-эпидемиологик осойишталик ва жамоат саломатлиги хизмати раҳбари Баҳодир Юсупалиев тақдим этган маълумотларга кўра, 14 ёшгача бўлган болалар мамлакатда коронавирус билан касалланаётганларнинг ўртача 13-15 фоизини ташкил этади.