ТОШКЕНТ, 19 апр — Sputnik. “Фариданинг икки минг қўшиғи” ва “Рангсиз тушлар” фильмлари 20-26 апрель кунлари бўлиб ўтадиган “GoEast” (Festival of Central and Eastern Europan Film) халқаро фестивалида иштирок этади. Бу ҳақда Кинематография агентлиги матбуот хизмати хабар қилди.
Фильмлар “Ўзбеккино” Миллий агентлиги буюртмасига биноан режиссёр Ёлқин Тўйчиев ва Аюб Шаҳобиддинов томонидан суратга олинган.
Мазкур кинофестиваль ҳар йили Марказий ва Шарқий Европанинг турли минтақаларидан бадиий, ҳужжатли ва анимацион фильмларни саралаб олади ва турли номинациялар бўйича мукофотлайди.
Шунингдек, Собиқ иттифоқ таркибига кирган давлатлар фильмлари ҳам иштирок этади.
Кинокартиналар фестивалнинг асосий дастуридан ташқари конкурсларда иштирок этади ва киномутахассислар томонидан муҳокамалар бўлиб ўтади.