ТОШКЕНТ, 19 апр — Sputnik. Россияда коронавируснинг сибирча ва шимолий-ғарбча вариантлари шаклланмоқда. Бу ҳақда Роспотребнадзор раҳбари Анна Попова маълум қилди.
Унинг сўзларига кўра, COVID-19 нинг янги штаммлари хорижда таърифланаётган бирор бир вариантга ўхшамайди.
“Биз сибирча вариантнинг шаклланаётганини кўряпмиз, биз шимолий-ғарбча вариантнинг шаклланаётганини кўряпмиз”, - деди Попова Россия Фанлар академиясининг тиббиёт фанлари бўлимининг йиғилишида. Унинг сўзларидан РИА Новости иқтибос келтирган.
Аввалроқ Роспотребнадзор раҳбари Сибир минтақасида коронавируснинг муайян ўзгарган турлари борлигини маълум қилган эди. Топилган ўзгаришлар коронавирусни хавфлироқ этмаслиги айтилган эди.