ТОШКЕНТ, 14 апр — Sputnik. Раҳимов Бахтиёр Ўзбекистон инвестициялар ва ташқи савдо вазирининг ўринбосари этиб тайинланди. Тегишли қарорга президент имзо чекди.
Тайинловга қадар Раҳимов Ўзбекистон президенти администрацияси, Вазирлар Маҳкамаси ҳамда Давлат божхона қўмитасида турли лавозимларда ишлаб келган.
У янги лавозимида Экспортни қўллаб-қувватлаш миллий тизимининг самарали ишлашини таъминлаш, тармоқ ва ҳудудларнинг экспорт салоҳиятини ривожлантириш, ташқи бозорларда комплекс маркетинг сиёсатини олиб бориш, шунингдек, транспорт-коммуникация ва логистика салоҳиятини ва халқаро транспорт йўлакларини ривожлантириш масалаларини мувофиқлаштиришга масъул бўлади.