ТОШКЕНТ, 12 апр — Sputnik. Тошкент вилояти Бекобод туманида 301 млн сўмлик имтиёзли кредит маблағлари талон-торож қилинганлиги аниқланди.
Бош прокуратура ҳузуридаги Департаментнинг Бекобод туман бўлими терговга қадар текширув ўтказган.
Аниқланишича, АТБ “Агробанк” Бекобод филиали, “P.A.” ва “U.X.” МЧЖ мансабдор шахслари 301 млн сўм кредит маблағларини талон-торож қилган. Пуллар “Ёшлар-келажагимиз” дастури доирасида ажратилган бўлган.
Мазкур ҳолат юзасидан филиал ва жамият мансабдор шахсларига нисбатан Жиноят кодексининг 167-моддаси (талон-торож қилиш) ва 209-моддаси (мансаб сохтакорлиги) билан жиноят иши қўзғатилган.
Тергов ҳаракатлари ўтказилмоқда.