ТОШКЕНТ, 8 апр — Sputnik. 4 апрель куни Сурхондарё вилояти Қумқўрғон туманида кучли ёғингарчилик ва шамол оқибатида иккита 500 кВли Л-508 электр узатиш тармоғининг иккита таянчи қулаб тушди. Бу ҳақда Энергетика вазирлиги хабар қилди.
Бунинг натижасида “Сурхон” подстанциясини “Ғузор” подстанцияси билан боғловчи электр узатиш тармоғида узилиш юзага келган.
“Ўзбекистон миллий электр тармоқлари” махсус бригадалари 7 апрель куни қулаган таянчларни тиклаш ишларини тўлиқ якунлаган. Ҳозирда электр узатиш тармоғи қайта тикланган.