ТОШКЕНТ, 5 апр – Sputnik. Келажак янгиликка интилганники, деди Ўзбекистон Инвестициялар ва ташқи савдо вазири Сардор Умрзаков “Иннопром – 2021” халқаро кўргазмаси очилиш маросимида.
“Келажак – замонавий бўлишга ҳаракат қилган, замон талабини тушунган ва янгиликни қабул қила оладиган ҳамда жорий эта оладиганларники”, - деди Умурзаков.
Вазир таъкидлашига кўра, коронавирус пандемияси ва у туфайли критилган чекловлар контактсиз иқтисодни ривожлантирди ва ушбу ўзгаришлар 4-саноат революциясига олиб келиши мумкин. Бу - смарт технологиялар, буюмлар интернети ва сунъий онг каби технологияларни назарда тутади.
Шу сабабли ҳам Ўзбекистонда инновацион технологияларни ҳар соҳага жорий этишга катта эътибор қартилмоқда, деди вазир.
Сўз бошида Сардор Умурзаков “Иннопром 2021” кўргазмасини Тошкентда ўтказишни таклиф қилган Россия саноат ва савдо вазир Денис Мантуровга миннатдорлик билдирди.
Шунингдек, кўргазмага ташриф буюрган Қозоғистон, Беларус, Қирғизистон, Тожикистон, Озарбайжон вазирларига миннатдорлик билдирди.
Ундан ташқари Россиянинг Нижний Новгород ва Ульянов вилоятлари губернаторларига ҳамда яна 11та вилоятдан келган вакилларни қутлади.
Маълумот учун, Россия ва Ўзбекистон ҳамкорлигида ташкил қилинган кўргазмада 20та давлатдан келган 300 дан ортиқ компанияларнинг 1100 дан ортиқ вакиллари иштирок этмоқда.