ТОШКЕНТ, 4 апр — Sputnik. Миср пойтахти Қоҳирада 22 та мумиёни янги музейга кўчириб ўтказиш маросими бўлиб ўтди, деб хабар қилмоқда РИА Новости мухбири.
Фиръавнларнинг жасади Миср миллий музейидан янги Миср цивилизацияси миллий музейига (NMEC) тантанали равишда кўчириб ўтказилган.
Ҳаммаси бўлиб янги жойга 22 та мумиё - 18 қирол ва 4 нафар қироличанинг мумиёланган жасади кўчирилди.
“Фиръавнларнинг олтин паради” деб номланган маросимда мамлакат президенти Абдулфаттоҳ ас-Сисий ҳам иштирок этган.