ТОШКЕНТ, 1 апр — Sputnik. АҚШ президенти Жо Байден самолётга кўтарилаётиб, яна қоқилиб кетди. “The Hill” нашри бу акс этган видеони Twitter᾽га жойлади.
Лавҳада Байден ёмғирли об-ҳаво шароитида қандай трап бўйлаб кўтарилаётгани тасвирланган. Унинг қўлида сумка ва соябон бор. Самолётга чиқаётган АҚШ етакчиси зиналардан бирида қоқилиб кетади, лекин оёқда туриб, кўтарилишда давом этади.
19 март куни Байден Жоржия штатига учиб кетиш олдидан ҳам бир неча марта қоқилиб, йиқилган эди. Оқ уй сиёсатчининг йиқилишини кучли шамолга йўйган эди.