Францияда умуммиллий локдаун жорий этилмоқда

ТОШКЕНТ, 1 апр — Sputnik. Францияда тўрт ҳафтага умуммиллий локдаун жорий этилади. 3 апрелдан бунгача 19 та департаментда амал қилган карантин Франциянинг бутун ҳудуди бўйлаб амал қилади. Бу ҳақда президент Эммануэл Макрон миллатга йўллаган телемурожаатида маълум қилди.

Франция раҳбарининг сўзларига кўра, бунга мамлакат бўйлаб катта тезликда тарқалаётган коронавируснинг британча штамми сабаб бўлган.

Бутун мамлакат бўйлаб соат 19:00 дан комендантлик соати киритилади, барча ходимлар масофавий иш режимига ўтиши зарур. Шунингдек, болалар боғчаси, мактаб ва олийгоҳлар ёпилади.

Дунёда коронавирус билан боғлиқ вазият суратларда

1 / 7

Туркия. Дам олиш кунлари яна комендантлик соати киритилади

2 / 7

Японияда коронавирус туфайли жорий қилинган фавқулодда ҳолат бекор қилинди. Одамлар карантинга риоя қилган ҳолда сайр қилишмоқда.

3 / 7

Ҳиндистонда коронавирус билан касалланган сони яна ўсмоқда. Дунё бўйича у учинчи ўринда.

4 / 7

Руминияда ҳам карантин чоралари кучайтирилди. Бу эса норозилик намойишларига сабаб бўлди.

5 / 7

Чилида кетма-кет беш кундан буён 7 мингдан зиёд янги коронавирус ҳолатлари аниқланмоқда.

6 / 7

Филиппинда ҳам рекорд даражадаги ковид аниқланмоқда.

7 / 7

Парагвайда ҳам касалланганлар сони ортиб бормоқда.

Бутун ҳудудлар бўйлаб биринчи эҳтиёждаги буюмлар дўконларидан ташқари барча дўконлар ёпилади. Бироқ китоб дўконлари, сартарошхоналар, уй жиҳозлари дўконларига ишлашга рухсат берилади.

Шунингдек, Турар жойидан заруратсиз 10 кмдан кўпроққа узоқлашиш тақиқланади. Пасха байрамида бу мустасно.

Францияда эпидемия бошланган буён 4,5 миллиондан зиёд киши коронавирус билан касалланган, 95 мингдан зиёд киши қурбон бўлган.

Эслатиб ўтамиз, аввалроқ Туркияда дам олиш кунлари яна комендантлик соати киритилиши хабар қилинган эди.