ТОШКЕНТ, 30 мар - Sputnik. Президент Шавкат Мирзиёев 29 март куни кимё саноатига бағишланган йиғилиш ўтказди.
Йиғилишда президент ушбу соҳада амалга оширлиган ишлар, истиқболли лойиҳалар билан танишиб, бўлажак режаларни ҳам белгилаб берди.
Хусусан, Шавкат Мирзиёев ушбу кунга қадар кимё соҳасига йирик инвестициялар киритилиб, юқори қўшилган қийматга эга бўлган маҳсулотлар ишлаб чиқариш бошланганини таъкидлади ва тармоқнинг ҚҚС тўлаш вақти келганини маълум қилди.
– Кимё саноатига жуда катта маблағ бердик. Энергия самарадорлиги жиҳатидан технологиялар янгиланди. Энди бу тармоқ қўшилган қиймат берадиган вақт келди. Жуда катта имкониятлар бор. Агар ҳар бир йўналиш бўйича миқдорини, сифатини, нархини жой-жойига қўйсак, экспорт 5-6 баробар ошади, – деди президент.
Ундан ташқари Шавкат Мирзиёев Ўзбекистонда ушбу соҳада 2021 - 2022 йилларда амалга оширилиши режалаштирилаётган кўплаб истаиболли лойиҳалар билан танишди. Улар билан батафсил қуйида танишиш мумкин.