ТОШКЕНТ, 29 мар - Sputnik. Сувайш каналини тўсиб турган контейнер ташувчи кема Ever Given саёзликдан қисман қутқарилди, деб хабар қилмоқда RT Bloomberg агентлигига асосан.
Хабарда айтилишига кўра, қутқарув операцияси давомида қирғоқдан 27000 метр куб қум қазиб олинган ва 10та буксир иштирок этган. Контейнер ташувчининг сузиш имконияти қисман тикланган бўлсада, канал бўйлаб ҳаракат тўлиқ тикланиш санаси ҳали маълум эмас, дейлиган хабарда.
Канал орқали кемалар қатнови қачон тўлиқ тикланиши ҳақида ҳозирча хабар қилинмаган. Айни дамда бу ерда 450дан ортиы кемалардан иборат "пробка" мавжуд, - дейилади хабарда.
Эслатиб ўтамиз, 23 март куни сув сиғими 220 минг тонна, узунлиги 400 метр бўлган улкан контейнер ташувчи кема Ever Given Сувайш каналининг саёз жойига кўндаланг тиқилиб қолган эди.
Бир неча кун олиб борилган қутқарув операциялари иш бермаганидан сўнг, Миср президенти Абдуль Фаттах ас-Сиси Ever Givenдан юкларни тушириш ҳақида топшириқ берган эди.