ТОШКЕНТ, 27 мар — Sputnik. 2021 йилнинг 5-7 апрел саналари оралиғида Удмуртиядан бизнес ва таълим муассасалари расмий вакилларидан иборат делегация ишчи ташриф билан Ўзбекистонга келишади.
"Ўзбекистон Удмуртиядан маҳсулотларни импорт қилувчи ўнта мамлакат рўйхатидан ўрин олган. Ушбу минтақа Ўзбекистонга транспорт воситалари, машинасозлик маҳсулотлари, кимёвий саноат, металлургия, ускуналар ва аппаратуралар сингари маҳсулотларни муваффақиятли экспорт қилиб келади. Ўтган йили Удмуртия корхоналари Ўзбекистонга 20 миллион долларлик маҳсулотларни етказиб беришган”
Константин Сунцов, Удмуртия Республикаси ҳукуматининг биринчи ўринбосари
Ташриф дастуридан – қатор учрашувлар ўрин олган, улар доирасида иштирокчилар Ўзбекистон ва Россия ўртасида саноат ва таълим хизматлари соҳасида ҳамкорликни кенгайтириш имкониятларини кўриб чиқишади.
Шунингдек, иккала республика ОТМлари ректорлари ва мактаблар директорлари форуми ўтказилиши режалаштирилган. Шунингдек, ташриф доирасида Тошкентдаги саноат корхоналарига ташрифлар амалга оширилади.