ТОШКЕНТ, 25 мар — Sputnik. Кеча коронавирус билан касалланиш бўйича кунлик кўрсаткич йил бошидан бери рекорд даражага етди. Бу ҳақда Соғлиқни сақлаш вазирлиги хабар қилмоқда.
“2021 йил 24 март ҳолатига кўра, Ўзбекистонда коронавирус инфекцияси қайд этилганлар сони 81816 (+138) нафарни ташкил этмоқда. Бу эса йил бошидан бери кузатилган рекорд кўрсаткичдир”, - дейилган хабарда.
Янги касалланганларнинг 3 нафари Жиззах вилоятида, 2 нафари Наманган вилоятида, 2 нафари Самарқанд вилоятида, 20 нафари Тошкент вилоятида, 111 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 624 нафарга этди.
Касалликдан жами 80143 (+98) киши соғайган ва соғайиш кўрсаткичи 98 фоизни ташкил қилмоқда.
Айни пайтда тиббиёт муассасаларида даволанаётган 1049 нафар бемордан 191 нафари оғир, 85 нафари эса ўта оғир аҳволда.