ТОШКЕНТ, 24 мар - Sputnik. Россия Давлат Думаси ЕОИИ давлатларидан Россияга келаётган мигрантлар учун биомтерик маълумотлар топшириш ва тиббий кўрикдан ўтиш мажбурияти тўғрисидаги қонунни биринчи ўқишда тасдиқлади.
Ҳукумат томонидан 2021 йил бошида тақдим этилган янги қонун. ЕОИИ давлатларидан Россияга 90 кундан ортиқ муддатга келаётган фуқаролар учун биомтерик маълумотлар топшириш ва тиббий кўрикдан ўтиш мажбуриятини белгилайди.
Ушбу қонун вояга етмаган болалар ва имконияти чекланган фуқаролар ҳамда 65 ёшдан ошган эркаклар ва 60 ёшдан ошган аёллар учун амал қилмайди.
Мутахассислар хулосасига кўра бундай қонун Россияга ишлаш мақсадида келаётган меҳнат мигрантларининг оқими камайишига олиб келмайди.
Эслатиб ўтамиз, айни дамда Россияга ишлаш мақсадида келаётган ЕОИИ давлатлари фуқаролари патент ёки бошқа ҳужжатлар расмийлаштирилиши талаб қилинмайди.