ТОШКЕНТ, 22 мар — Sputnik. Россия президенти, сешанба, 23 март куни коронавирусга қарши эмланишини маълум қилди. Бу ҳақда РИА Новости хабар қилмоқда.
Шунингдек, Россия раҳбари мамлакатдаги эмлаш билан боғлиқ иш қандай бораётгани ҳақида маълумот берди. Ҳозирда 6,3 миллион фуқаро вакцинанинг биринчи дозасини (икки компонентли вакцина) олган.
4,3 миллион россияликлар тўлиқ ковидга қарши эмланган.
Эслатиб ўтамиз, Россия коронавирусга қарши ўзининг уч вакцинасига эга: “Спутник V”, “Эпикваккорона” ва “КовиВак”. Россия аҳолисини оммавий равишда дунёда биринчи бўлиб рўйхатга олинган “Спутник V” билан эмлаш ишлари олиб борилмоқда.