ТОШКЕНТ, 18 мар — Sputnik. АҚШ президенти Жо Байденнинг Россия президенти Владимир Путинга нисбатан айтган гапларини “жуда ёмон” деб айтиш мумкин. Бу ҳақда журналистларга Россия етакчисининг матбуот котиби Дмитрий Песков маълум қилди.
Аввалроқ Жо Байден ABC телеканалига берган интервьюсида Россия ҳукумати гўёки Америка сайловларига аралашгани учун жавоб бериши кераклигини маълум қилганди. Бундан ташқари, Оқ уй раҳбари у Владимир Путинни “қотил” (killer) деб ҳисоблайдими деган савол “ҳа” деб жавоб берганди.
“У аниқ мамлакатимиз билан муносабатларни йўлга қўйишни истамайди, бундан кейин айнан шундан келиб чиқамиз”, - деди Песков. Унинг сўзларидан РИА Новости иқтибос келтирган.
Унинг сўзларига кўра, Россия-Америка муносабатлари тарихида бунга ўхшаш баёнот ҳали бўлмаган.
Давлат раҳбари матбуот котиби Путин Байденнинг сўзларига муносабат билдиришни режалаштиряптими ёки йўқлигини айтмади.
Россиянинг АҚШдаги элчиси Анатолий Антонов АҚШ билан муносабатлар қайси йўналиш бўйлаб давом этиши ва нима қилиш кераклигини таҳлил қилиш мақсадида маслаҳатлашиш учун Москвага чақиртирилган.