ТОШКЕНТ, 13 мар — Sputnik. Россиянинг энг кўп олиб қочиладиган автомобиллари номлари маълум бўлди.
Россияда 2021 йилда энг кўп ўғирлаб қочилган автомобиллар бу "кореецлар" Hyundai ва Kia, шунингдек, "япон" Toyota бўлди.
Бу ҳақда РИА Новости суғуртачилардан олинган маълумотлар асосида хабар бермоқда.
Энг кўп олиб қочилган модделар сифатида Hyundai Solaris, Kia Sportage ва Toyota Camry айтилган.
Бундан ташқари, энг кўп ўғирланадиган бренддаги автомобиллар сирасидан Range Rover, Lexus, Mercedes-Benz, конкрет моделлар сифатида эса Mitsubishi Outlander, Skoda Rapid, Toyota Land Cruiser 200, BMW X6, Infiniti QX80 санаб ўтилган.
"Жорий йил бошида олиб қочиладиган автомобиллар етакчилиги анча ўзгарди. Рўйхатни Кореянинг Hyundai Creta ва Tucson кроссоверлари ҳамда Kia Optima седани тарк этди... Lada Vesta ва Volkswagen Tiguan эса аксинча, юқорилади. Kia Sportage, Toyota Camry ва Hyundai Solaris ўз позицияларини сақлаб қолишган – бу автомобиллар шу сингари рейтингларнинг ўзгармас иштирокчиларидир", - деган РИА Новостига "МАКС" компанияси маҳсулот-менеджмент ва маркетинг бошқармаси раҳбари Евгений Попков.
Шуниси эътиборга моликки, сўровда иштирок этган компаниялар автомобилларни ўғирлаш билан боғлиқ ҳолатлар сезиларли камайганини эътироф этишган. Хусусан, "МАКС" олиб қочишлар сони 2 баробардан ортиққа қисқарганини маълум қилган.
"РЕСО-Гарантия" компанияси эса ўғирлашлар сонида жиддий ўзгариш бўлмаганини айтган.
"Росгосстрах"да жорий йил феврал ойида ўтган йил феврал ойига нисбатан ўғирликлар сони анчага – 65%га пасайгани қайд этилган.
Бироқ феврал ойида, январ ойидагига нисбатан автомобил ўғирликлари 33%га ошган.