ТОШКЕНТ, 9 мар — Sputnik. "Тожикистон темир йўллари" ДУК ва "Ўзбекистон темир йўллари" AЖ ("Ўзбекистон темир йўллари") ўртасида Сўғд вилоятида электр узатиш линиясини қуриш бўйича шартнома имзоланди, деб хабар қилди Sputnik Тожикистон манбаси.
Таъкидланишича, қурилиш ишлари яқин кунларда бошланиши кутилмоқда.
"Сўғд вилоятида поездлар учун электр узатиш линиясини барпо этиш вазифасини Ўзбекистон томони тўлиқ ўзига олмоқда. Ишлар йил охирига қадар якунланиши кутилмоқда”, - деб маълум қилди тожик компаниясидаги манба.
Олинган маълумотга кўра, поездлар транзити учун Тожикистондаги Спитамен туманидан Конибодом станциясига қадар Электр узатиш линиялари қурилиши 108 километрдан ортиқ масофани ташкил этади.
Экспертлар фикрича, ушбу лойиҳа поездларнинг тўхтовсиз ҳаракатларишини таъминлайди ҳамда иккала қўшнилар ўртасида товар экспорти ва импорти ҳажмини ортишига хизмат қилади.
Бошқа томондан, электровозлар дизель ёқилғида юрадиган тепловозларга қараганда рентабеллиги паст ва экологик жиҳатдан устундир.
Шуни таъкидлаш жоизки, деб ёзади нашр, шу пайтга қадар тожик томони электровозлар йўқлиги туфайли поездлар транзитини, шу жумладан, ўзбек поездлари транзитини ҳам тепловозлар ёрдамида амалга оширган.
Аммо ҳар бир локомотив қуввати 3 минг от кучига тенг бўлиб, улар учун кўп миқдорда дизель ёқилғи талаб этилади.
Манба сўзларига кўра, Сўғд вилоятида электр узатиш линияси барпо этилганидан сўнг, минтақа бўйлаб йилига 32 мингта поезд ҳаракатланади ва бунинг оқибатида товарлар импорти/экспорти ҳажми ошиб, иккала қўшни давлатлар иқтисодиёти ривожига импульс бўлади.