ТОШКЕНТ, 4 мар — Sputnik. 2021 йилнинг 6-9 март кунлари Туркия ташқи ишлар вазири Мевлут Чавушўғлу бошчилигидаги делегацияси Ўзбекистонга ташриф буюради. Бу ҳақда Ўзбекистон ТИВ матбуот хизмати хабар қилмоқда.
Туркия делегацияси Ўзбекистон ва Туркия ташқи ишлар вазирлари раислигида Стратегияни режалаштириш гуруҳининг иккинчи йиғилишида иштирок этади.
Ташриф дастуридан Хива ва Бухоро шаҳарларини зиёрат қилиш, Туркиянинг Самарқанд шаҳридаги Бош консулхонасининг очилиш маросимида иштирок этиш ўрин олган.
Шунингдек, бошқа вазирлик ва идораларида учрашув ҳамда музокаралар олиб бориш режалаштирилган.