ТОШКЕНТ, 4 мар - Sputnik. Бугун, 4-март куни Ўзбекистон Ташқи ишлар вазири Aбдулазиз Камилов Беларус Республикаси Ташқи ишлар вазирининг биринчи ўринбосари Aлександр Гуряновни қабул қилди.
Музокаралар чоғида ўзаро манфаатли соҳаларда Ўзбекистон – Беларус ҳамкорлигининг долзарб масалалари муҳокама қилинди. Халқаро сиёсат ва минтақавий кун тартиби юзасидан ҳам фикр алмашилди.
Беларус томонига жорий йилда Тошкент шаҳрида бўлиб ўтадиган юқори даражадаги "Марказий ва Жанубий Осиё: минтақавий боғлиқлик. Таҳдидлар ва имкониятлар" мавзусидаги халқаро конференсияга таклифнома топширилди.
Учрашувда 2021-2022-йилларда Ўзбекистон Республикаси ва Беларус Республикаси ўртасидаги сиёсий маслаҳатлашувлар режаси имзоланди.