ТОШКЕНТ, 1 мар — Sputnik. Ўзбекистонлик эркин курашчилари 2та олтин, 1та кумуш, 3та бронза, юнон-рум курашчилари эса 5та медални қўлга киритишди.
Украина пойтахти Киев шаҳрида эркин, юнон-рум ва аёллар кураши бўйича анъанавий халқаро турнир якунланди.
Ўз тарихида йигирманчи марта ташкил этилган мусобақада дунёнинг 20дан ортиқ давлати курашчилари уч кун давомида медаллар учун гиламга чиқишди.
© Министерство спорта Узбекистана
Якунда ўзбек эркин курашчилари 2та олтин, 1та кумуш, 3та бронза, юнон-рум курашчилари эса 5та медални қўлга киритишди. Ғуломжон Абдуллаев ва Ильяс Бекбулатов ўз вазн тоифаларида шоҳсупанинг энг юқори поғонасига кўтарилишди.
Эркин кураш мусобақасида совриндор бўлган спортчилар:
Олтин медаль
57 кг: Ғуломжон Абдуллаев
70 кг: Ильяс Бекбулатов
Кумуш медаль
57 кг: Нодиржон Сафаров
Бронза медаль
57 кг: Маҳмуджон Шавкатов
79 кг: Бекзод Абдураҳмонов
86 кг: Жавраил Шапиев
Юнон-рум кураши мусобақасида совриндор бўлган спортчилар:
Бронза медаль
55 кг: Илҳом Баҳромов
67 кг: Арам Варданян
82 кг: Жалгасбай Бердимуратов
87 кг: Рустам Ассакалов
130 кг: Мўминжон Абдуллаев