ТОШКЕНТ, 28 фев — Sputnik. Чехия президенти Милош Земан Россия президенти Владимир Путинга хат йўллаб, ундан мамлакатга коронавирусга қарши “Спутник V” вакцинасини етказиб беришни сўради. Бу ҳақда Чехия етакчиси “CNN Prima” телеканалига берган интервьюсида маълум қилди.
Чехия раҳбарининг сўзларига кўра, у илтимосни бош вазир Андрей Бабиш билан мувофиқлаштирган. Земан Россия Чехияга вакцинани етказиб беришга тайёрлигини билдирган.
Шунингдек, президент “Спутник V”дан Чехияда фойдаланишни маъқуллаш учун миллий регулятор, Дори-дармон назорати давлат институтининг (SUKL) қарори кифоя бўлишини таъкидлади. Шу тариқа, мамлакат раҳбари ЕИ регулятори, Европа дори воситалари агентлигидан (ЕМА) вакцинани маъқуллашни сўрамаса ҳам бўлади.
Сўнгги маълумотларга кўра, Чехияда коронавирус билан касалланганлар сони 1,2 миллиондан ошиб кетган. 20 мингдан зиёд бемор вирус қурбонига айланган.