ТОШКЕНТ, 18 фев - Sputnik. Тошкент шаҳар транспорт тизими такомиллаштирилади, бу ҳақида президентнинг "Тошкент шаҳар транспорти соҳасида бошқарув тизимини тубдан такомиллаштириш тўғрисидаги" қарори лойиҳасида айтиб ўтилган.
Янги транспорт тизимида қуйидагилар жорий этилади:
- Ўзбекистон Республикаси Транспорт вазирлиги Тошкент шаҳар транспорт бошқармаси негизида Тошкент шаҳар транспорт бош бошқармаси ташкил этилади.
- Бошқарма таркибига “Тошшаҳартрансхизмат” акциядорлик жамияти ва “Тошкент метрополитени” унитар корхонаси киритилади.
- Тошкентда жамоат транспорти уч тоифага бўлинади ва мақбуллаштирилади: боғловчи, етказиб берувчи ва магистрал йўналишлар.
- Бошқарма ҳузурида юридик мақомга эга бўлмаган “Тошкент шаҳар транспортини ривожлантириш жамғармаси” ташкил этилади.
Тошкент шаҳар жамоат транспортига тизимига киритилаётган барча ўзгаришлар билан батафсил қуйида танишиш мумкин.