ТОШКЕНТ, 16 фев — Sputnik. 2021 йилнинг январь ойида Ўзбекистонга келиб тушган халқаро трансчегаравий пул ўтказмалари ҳажми 427 млн долларни ташкил этди. Бу ҳақда Марказий банк матбуот хизмати хабар қилмоқда.
Кўрсатгич 2020 йилнинг мос даврига нисбатан 27 млн долларга ёки 7 фоизга ошган.
Чет элга юборилган трансчегаравий пул ўтказмалари миқдори 101 млн долларга етган.
Халқаро трансчегаравий пул ўтказмалари бўйича ижобий сальдо 326 млн. долларни ташкил этган.
Эслатиб ўтамиз, 2020 йилда Ўзбекистонга келиб тушган халқаро трансчегаравий пул ўтказмалари ҳажми 6,03 млрд долларни ташкил этган эди. Бу 2019 йилга нисбатан 17 млн долларга кўпроқ.