ТОШКЕНТ, 16 фев — Sputnik. Россия Федерал Хавфсизлик хизмати ва Росфинмониторинг ходимлари Қрим ярим ороли ва Татаристонда Исломий давлат* (Россияда таъқиқланган)га маблағ жўнатиб турган жиноий гуруҳ аъзоларини қўлга олди.
Хабарда айтилишига кўра, жиноий гуруҳ аъзолари 2015 2019 йиллар орасида интернет орқали "хайрия мақсадларига" дея маблағ жамлаб, уни хорижга жангариларни таъминлаш учун йўналтирган. Ҳуқуқни сақлаш органлари жиноий гуруҳ аъзоларидан алоқа воситалари, компьютер техникаси ва ахборот ташувчи воситаларни олишган.
Жиноий гуруҳ аъзоларига қарши террорчилик фаолиятига ёрдам бериш айбномаси билан жиноий иш қўзғатилган. Айни дамда тергов ишлари олиб борилмоқда.