ТОШКЕНТ, 14 фев — Sputnik. Ўзбекистонлик профессионал боксчи Бектемир Мелиқўзиев ўзининг навбатдаги жангида ғалаба қозонди.
У АҚШнинг Калифорния штатида ташкил этилган бокс оқшомида америкалик Морган Фитчга қарши рингга кўтарилди. 8 раундга мўлжалланган жанг 3-раундда Бектемирнинг техник нокаутли ғалабаси билан якунига етди.
Шу тариқа Бектемир Мелиқўзиев профессионал боксдаги 7-жангида 7-ғалабасига (6таси нокаут) эришди.