ТОШКЕНТ, 9 фев — Sputnik. WhatsApp мессенжери видео бўлимига тегишли бўлган янги функцияни синовдан ўтказмоқда.
WABetaInfo маълум қилишича, видеоларни таҳрир қилиш вақтида алоҳида белги пайдо бўлади, фойдаланувчи унинг ёрдамида овозсиз видеони юбориши мумкин.
Ҳозирча функция 2.21.3.13 бета-версиясида мавжуд.
Бундан ташқари мессенжерга янги анимацион стикерлар тўплами қўшилади, шунингдек, гуруҳ чатида “фойдаланувчини эслатиб ўтиш” функцияси ҳам яхшиланади.
Ўтган йил сентябрда мессенжерда вақтинчалик медиафайллар юбориш имконини берувчи янги Expiring Media функцияси ишга туширилганди.