Тошкентда қалин туман сабабли самолёт заҳира аэропортга юборилди

Қалин туман туфайли Тошкент аэропортига қўниши кутилаётган самолётлардан бири заҳира аэропортга юборилди. 
Sputnik
ТОШКЕНТ, 9 фев - Sputnik. Бугун эрта тонгда Тошкентни қалин туман қоплаб олди. Тошкент аэропортига қўниши кутилаётган самолётлардан бири заҳира аэропортга юборилди, деб хабар қилмоқда Telegram-канал "Новости Ташкентского неба".
"Uzbekistan airways компаниясининг Boeing 767-300 самолётида Гуанчжоудан Тошкентга амалга оширилаётган юк рейси HY-150 Тошкент аэропортида об-ҳаво шароитлари туфайли қўна олмади. Туман, кўриш узоқлиги 250 метр", - дейилган  хабарда. 
Эслатиб ўтамиз, 2019 йилнинг декабр ойида ҳам Тошкентни қуюқ туман қомлаб олган эди. Ўшанда бир неча аэропортларда парвозлар бекор қилинган ва айрим аэропортлар ёпилган эди.