ТОШКЕНТ, 8 фев — Sputnik. Эронда 9 февраль куни аҳолини коронавирусга қарши Россиянинг “Спутник V” вакцинаси билан эмлаш бошланади. Бу ҳақда мамлакат соғлиқни сақлаш вазири Саид Намакий маълум қилди.
“Россиянинг “Спутник V” препарати билан эмлаш сешанба, 9 февраль куни бошланади”, - деди Намакий. Унинг сўзларидан IRNA агентлиги иқтибос келтирган.
Вазирнинг сўзларига кўра, биринчи навбатда интенсив даволаш бўлимлари тиббиёт ходимлари эмланади. Кейинги босқичда қолган тиббиёт ходимлари, қариялар уйидагилар ва 65 ёшдан ошган фуқаролар эмланади.
Россиянинг коронавирусга қарши “Спутник V” вакцинаси Эронда 26 январь куни рўйхатга олинди. Бир неча кун ўтиб Россия ва Эрон вакиллари вакцинани етказиб бериш тўғрисида шартнома имзолади. "Спутник V”нинг биринчи партияси 4 февраль куни Теҳронга етказиб берилди.