ТОШКЕНТ, 5 фев — Sputnik. Америкалик рэпер Лил Узи Верт пешонасига нархи 24 миллион доллар турадиган бриллиантни ёпиштириб олди. У бу ҳақда Instagramдаги саҳифасида маълум қилган.
Мусиқачининг сўзларига кўра, заргар Эллиот Эллианттдан харид қилинган пушти ранг бриллиант, шу даражада қиммат бўлганки, рэпер у учун сўнгги тўрт йил давомида пул тўлашига тўғри келган. Вертнинг тан олишича, у эга бўлган орасида Bugatti Veyron бўлган автомобиллар коллекцияси нархи ҳам, бундай катта суммани қоплай олмасди.
"Гўзаллик - бу оғриқ", — деб ёзиб қолдирган рэпер видео тагида.
Рэпернинг мухлислари бриллиант пешона марказидан бироз четга оғганига эътибор қаратишган. Рэп ижрочиси уларга жавобан, бу операциядан кейинги ҳолат эканлиги, яллиғланиш ўтиб, операция жойи битгач, "тош ўз ўрнига қайтишини" айтган.
Рэпер мухлислари бу сингари имплант қанчалик хавфсиз, деган саволни ўртага ташлашган. Ижрочи эълон қилган биринчи видеода қон кўриниб турганди-да.
"Агар мен уни нотўғри суғурсам, бу менинг ўлимим билан тугаши мумкин", - деб ёзган мусиқачи.