ТОШКЕНТ, 3 фев — Sputnik. 2020 йилда Ўзбекистонга хориждан 131 та электромобиль импорт қилинган. Бундан Давлат статистика қўмитаси маълумотлари дарак бермоқда.
Импорт қилган мамлакатлар орасида Хитой биринчи ўринда. У ердан жами 92 та электромобиль олиб келинган. Кейинги ўринларда Жанубий Корея (13 та), Грузия (7 ), АҚШ (7), Германия (5) ва бошқа давлатлар (7).
2020 йилда импорт қилинган электромобиллар учун 2,9 миллион АҚШ доллари сарфланган.
Аввалроқ Ўзбекистон ҳукумати “Ўзавтосаноат” компаниясини фақат электромобиллар ишлаб чиқаришга ўтказишни режалаштираётгани маълум бўлганди. Бундан ташқари, Вазирлар маҳкамаси қарори билан мамлакат ичида электромобилларни сотиб олишда ва уларни вақтинчалик олиб киришдаги йиғимларни бекор қилиш кўзда тутилмоқда.