ТОШКЕНТ, 3 фев — Sputnik. Қирғизистон ва Россия ўртасида парвозларнинг сони ҳафтасига олтитага кўпайтирилди. Бу ҳақда Қирғизистон Ташқи ишлар вазирлиги маълум қилди.
Айни вақтда Бишкекдан Москвага жума кунлари фақат битта рейс амалга оширилади.
8 февралдан бошлаб “Авиа Траффик Компан” авиакомпаниясининг 3та ва “Аэрофлот” авиакомпанияси 3та мунтазам парвозни йўлга қўяди.
Таъкидланишича, авиачипталарнинг нархи сезиларли даражада ўсди: яқин бўлажак парвозлар учун чипта 40-50 минг қирғиз сўмига сотилмоқда.
Бугун Россия ва Арманистон, Озарбайжон ва Қозоғистон ўртасида парвозларнинг тикланиши ҳақида маълум бўлди. Шунингдек, Беларусга йўловчи поезд қатнови бошланади.