ТОШКЕНТ, 2 фев — Sputnik. Тошкент аэропортида бир қизни Туркияга фоҳишалик учун шуғулланиша юбораётган икки киши қўлга олинди.
ИИВ ҳузуридаги Тергов департаменти хабарига кўра, 28 ёшли Шоира Н. ва 32 ёшли Нилуфар Р. “Мухлиса”га Истанбул шаҳрида фоҳишалик билан шуғулланиш орқали моддий маблағ орттиришни таклиф қилишган. Йўлкира ва бошқа харажатларини тўлаб беришларини ваъда қилишган. Режага кўра қизни у ердаги жиноий шериклари Наргиза Г. қарши олиши керак бўлган.
Қизни Тошкент аэропортида Туркияга жўнаётган вақтларида ушбу шахслар қўлга олинган.
Мазкур ҳолат юзасидан Самарқанд шаҳри ИИО ФМБ ҳузуридаги Тергов бўлими уларга нисбатан Ўзбекистон Жиноят кодекснинг 135-моддаси 2-қисми “е” банди (одам савдоси) билан жиноят иши қўзғатилган.
Дастлабки тергов давомида Шоира Н. муқаддам шу каби содир қилган хатти-ҳаракатлари туфайли одам савдоси моддаси билан судланиб, 8 йил муддатга озодликдан маҳрум қилингани аниқланган. Кейин у афв этилган.
Ҳозирда мазкур фуқаролар муқаддам бу каби жиноятларга қўл ургани ёки урмаганини аниқлаш мақсадида суриштирув ўтказилмоқда.
Дастлабки тергов ҳаракатлари давом этмоқда.