ТОШКЕНТ, 1 фев – Sputnik. Ўтган йилда фуқароликка қабул қилинганлар сони бўйча Россия янги рекорд ўрнатди, деб хабар қилмоқда FinExpertiza халқаро консалтинг тармоғи.
Хабарда айтилишига кўра, 2020 йилда 656,3 минг нафар хорижий фуқаролар Россия паспортини олган. Бундан олдинги рекорд 2005 йилда ўрнатилган эди. Ўшанда 500 мингдан ортиқ кишига Россия фуқаролиги берилган эди.
2020 йилда Россия фуқаролигини олганлар орасида энг кўп қуйидаги фуқаролар:
- Украина 409 347 (62%)
- Тожикистон 63 389 (10%)
- Қозоғистон 43 404 (7%)
- Арманистон 30 538 (5%)
- Ўзбекистон 23 131 (3.5%)
Ундан ташқари 2020 йилда берилган Яшашга рухсатнома ва Вақтинча яшашга рухсатномалар сони ҳам 900 мингдан ошган. Улар орасида Украина фуқарлари – 192 минг, Тожикистон – 147 минг ва Ўзбекистон фуқаролари 128 минг кишини ташкил қилмоқда. Ушбу шахслар келгуси йилларда Россия фуқаролигини олиши мумкин.