ТОШКЕНТ, 21 янв — Sputnik. Шавкат Мирзиёев АҚШнинг янги сайланган президенти Жозеф Байденга табрик йўллади.
“Ўзбекистон Республикаси Президенти Шавкат Мирзиёев Америка Қўшма Штатлари Президенти Жозеф Байденга унинг давлат раҳбари лавозимига киришгани муносабати билан табрик йўллади”, - дейилган давлат раҳбари хабарида.
2020 йил ноябрида бўлиб ўтган АҚШ президенти сайловларида Жо Байден ғалаба қозонган эди. 2021 йил 20 январь куни у қасамёд қилди ва АҚШ президенти лавозимини бажаришга киришди. 78 ёшда бўлган демократ Байден АҚШнинг қирқ олтинчи ва сайланган энг ёши катта президент бўлди.