ТОШКЕНТ, 19 янв — Sputnik. Клиник синовларнинг I ва II босқичлари натижаларига кўра, COVID-19 га қарши "ЭпиВакКорона"нинг иммунологик самарадорлиги юз фоизни ташкил этди. Бу ҳақда Роспотребнадзор матбуот хизмати хабар қилди.
Коронавирусга қарши антитаначиларнинг борлиги эмлаш тўғри келмаслигини англатмайди: "ЭпиВакКорона" шаклланган иммунитетни мустаҳкамлашга ёрдам беради. 14-21 кун оралиғида 0,5 милилитр дозада препаратни мушак ичига икки марта юборишни назарда тутади: агар киши илгари COVID-19 билан касалланган бўлса, битта компонент билан эмлаш мумкин.
"Аммо “ЭпиВакКорона вакцинасининг бир марталик киритиш - куч ва давомийлиги жиҳатидан мақбул бўлган иммунитетни бермайди", - дея аниқлик киритилди Роспотребнадзорда. Ушбу масала қўшимча тадқиқотларни ўтказишни талаб қилади.
Новосибирскдаги "Вектор" марказида пептид антигенлари асосида яратилган "ЭпиВакКорона" вакцинаси октябр ойида рўйхатдан ўтказилди. Синовнинг 3-босқичи давом этмоқда: 40 минг кўнгилли, шу жумладан 60 ёшдан ошган ва сурункали касалликларга чалинган одамлар иштирок этмоқда. 45 мингдан ортиқ доза фуқаролик муомаласига чиқарилди ва оммавий ишлаб чиқариш феврал ойида режалаштирилган.