ТОШКЕНТ, 15 янв - Sputnik. Юнусобод туманига Жаҳонгир Иброҳимов ҳоким этиб тайинланди. Бу ҳақда Тошкент шаҳар ҳокимлиги матбуот-хизмати хабар бермоқда.
Тошкент шаҳар ҳокимининг 2021 йил 14 январдаги қарорига мувофиқ, Жаҳонгир Иброҳимов Юнусобод туманига ҳокими лавозимига тайинланди.
Иброҳимов 1982 йилда Тошкент вилоятида туғилган. 2006 йилда Тошкент архитектура-қурилиш институтини тамомлаган.
Иброҳимов 2017-2020 йилларда Сирдарё вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари, 2020-2021 йилларда Тошкент шаҳар Бектемир тумани ҳокими лавозимида ишлаган.