ТОШКЕНТ, 8 янв — Sputnik. АҚШда шифокор Pfizer вакцинаси билан эмланганидан салкам икки ҳафта ўтгач вафот этди, бу ҳақда Daily Mail нашри унинг рафиқасига асосланиб хабар қилди. РИА Новости.
Марҳумнинг рафиқаси Хайди Некелман айтишича, унинг 56 ёшли эри Грегори Майкл 18 декабр куни эмланган ва 16 кундан кейин вафот этди.
"Менинг фикримча, унинг ўлими эмлаш билан юз фоиз боғлиқ. Бошқа изоҳ йўқ", - дейди Некелманн.
Унинг сўзларига кўра, Майкл фаол ҳаёт тарзини олиб борган, чекмаган, фақат вақти-вақти билан спиртли ичимликлар ичган. Бундан ташқари, тиббий кўрик пайтида унинг ичида ҳеч қандай касаллик топилмади.
Эмлашдан уч кун ўтгач, эркак қўллари ва оёқларида қизил доғларни пайқаб, тери ости қон кетишини кўрсатди. Текширув давомида унинг тромбоцитлар этишмовчилиги аниқланди.
Натижада, шифокорга идиопатик тромбоцитопеник пурпура ташхиси қўйилди. Бу шундай касалликки - организм тромбоцитларни бегона жисмлар сифатида қабул қилиб, уларни йўқ қилиш учун қоражигарга сигнал беради. Шифокорлар Майклни қутқаришга уринишди, аммо 3 январ куни у жарроҳлик амалиётидан аввал мияга қон қуйилиши оқибатида вафот этди.
Pfizer матбуот хизмати ушбу ҳолат бўйича текширув олиб борилаётганини таъкидлаб, аммо ҳозирча мутахассислар эмлаш ва Майклнинг ўлими билан бевосита боғлиқликни кўрмаяпганлигини маълум қилди.