ТОШКЕНТ, 7 янв — Sputnik. Америка реалити-шоулари юлдузи Ким Кардашьян 6 йиллик турмушдан сўнг рэпер Канье Уэст билан ажрашмоқда, деб хабар қилди Page Six нашри.
Таъкидланишича, Ким ажрашишлар бўйича машҳур адвокат Лаура Уэссерни ёллаган. Жуфтлик рождество байрамларини алоҳида нишонлашган.
Кардашьян ва Уэстнинг Калабасасдаги 60 миллион долларли ҳашаматли уйи мол-мулк ажрашиш жараёнида асосий масаласига айланади: Ким уй унга ва фарзандларига қолишини истамоқда.
Ким Кардашьян ва Канье Уэст 2014 йилда турмуш қуришган. Жуфтликнинг тўрт нафар фарзанди бор. Канье Уэст Кардашьяннинг учинчи турмуш ўртоғи ҳисобланади.