Уч ойда ўрганса бўладиган "пултопар" ҳунарлар: "Ишга марҳамат" мономарказидан репортаж

Мономарказ ҳозирча Тошкент шаҳри Яшнобод туманида ташкил этилган.

Аммо 2021 йилнинг бошида Ўзбекистон регионларида ва Қорақалпоғистоннинг Нукус шаҳрида яна 13та шундай касб-ҳунар ўргатувчи мономарказлар ташкил этилади.

Бу ерда истаган инсон 2,3,4 ойгача бўлган муддатда 22 турдаги ишчи касблар, 5та хорижий тил ҳамда тадбиркорлик ва молиявий саводхонлик бўйича курсларни ўқиб, мамлакатда ва хорижда тан олинадиган Skills паспортини қўлга киритиши мумкин.

Мономарказда ўқишни тамомлаганликни тасдиқловчи ҳужжат - Сертификат ўрта махсус, касб-ҳунар таълими дипломи даражасига тенглаштирилади.

Мономарказдаги шароитлар ва ўқитиладиган касб турлари ҳақида фоторепортажимизда.

1 / 9

"Ишга марҳамат" мономарказлари - камбағал ва ишсиз фуқароларни тадбиркорликка жалб қилиш, уларни касб-ҳунарга ўқитиш мақсадида ташкил этилган. Фуқаролар касбларга марказда бепул ўқитилади.

2 / 9

Мономарказда меҳнат бозори эҳтиёжларига мувофиқ, 22 турдаги касблар ва 5та хорижий тил ҳамда тадбиркорлик кўникмалари ва молиявий саводхонлик бўйича муддати 2,3,4 ойни ташкил қилувчи курслар бор.

3 / 9

Марказда: сувоқчи, бўёқчи, ғишт терувчи, юк кўтариш машинаси оператори, электрик, маиший техникаларни таъмирлаш устаси, сантехник бўйича уста, токарлик ишлари бўйича уста, пайвандловчи ва ҳоказо касб-ҳунарларни эгаллаш мумкин.

4 / 9

Мономарказда шунингдек, хизмат кўрсатиш соҳалари: батлер-официант, эркаклар сартароши, аёллар сартароши, нейл-стилист, массажист, визажист, ошпазлик сингари ҳунарларга ҳам ўқитилади.

5 / 9

6 / 9

Мономарказда шунингдек, хизмат кўрсатиш соҳалари: тикувчи, батлер-официант, эркаклар сартароши, аёллар сартароши, нейл-стилист, массажист, визажист, ошпазлик сингари ҳунарларга ҳам ўқитилади.

7 / 9

8 / 9

Битирувчиларнинг касбий малакаси WorldSkills стандартлари асосида баҳоланади, шунингдек, баҳолаш муваффақиятли ўтган битирувчиларга Ўзбекистонда ва хорижда тан олинадиган Skills паспорти тақдим этилади. Ушбу паспорт касб-ҳунар таълими дипломи даражасига тенглаштирилади.

9 / 9

2021 йилнинг 1 январига қадар Қорақалпоғистон Республикаси ва вилоятларда 13та банд бўлмаган аҳолига хизмат кўрсатувчи "Ишга марҳамат" мономарказлари ташкил этилади.
Бугунги кунда ушбу мономарказларни қуриш, реконструкция қилиш, таъмирлаш ҳамда WorldSkills стандартлари асосида жиҳозлаш ишлари амалга оширилмоқда.