ТОШКЕНТ, 13 дек — Sputnik. Рух ва қалай моддаси мавжуд бўлган тиш пасталари икки дақиқада коронавирусни 99,9 фоиз зарарсизлантиришга қодир экани айтилмоқда. Лаборатория тадқиқотларини ўтказган америкалик олимлар шундай хулосаларга келишди. Тадқиқот натижалари “British Dental Journal” да чоп этилган.
Бундан ташқари, тадқиқот натижалари цетилпиридиния хлорид билан оғизни чайиб ташлаш вирусни ярим дақиқада йўқ қилишини кўрсатган.
Тадқиқот октябрь ойида Нью-Жерси штатидаги Ратгерс номли тиббиёт мактаби ва минтақавий биохавфсизлик лабораториялари томонидан ўтказилган.
Сўнгги маълумотларга кўра, дунё бўйлаб 72 миллиондан зиёд киши янги коронавирусни юқтириб олган. Шулардан 50,5 миллиондан ортиғи тузалиб кетган. 1,6 миллион киши эса қурбон бўлган.