ТОШКЕНТ, 9 дек — Sputnik. Ички ишлар вазирлиги Йўл ҳаракати хавфсизлиги бош бошқармаси фуқароларга мурожаат билан чиқди.
Таъкидланишича, республика ҳудудида об-ҳаво шароити ўзгариб, айрим ҳудудларда қор ёғаётганлиги айни вақтларда музламаларни юзага келтирмоқда.
Шу сабабли ҳайдовчилардан:
- Заруратсиз транспорт воситасини кўчага бошқариб чиқмасликлари;
- Зарурат билан чиққан вақтларида ҳам белгиланган қоидаларга амал қилиб, оралиқ масофани сақлаган ҳолда ҳаракатланишлари;
- Газ ва тормоз тепкисини кескин босмасликлари;
- Пиёдаларга эътиборли бўлишлари, пиёдалар эса йўлни белгиланмаган жойидан кесиб ўтмасликлари, эҳтиёткор бўлишлари сўралган.
Эслатиб ўтамиз, аввалроқ 9 декабрь куни Ўзбекистон ҳудуддарида ҳаво ўзгариб туриши, баъзи жойларда бироз қор ёғиб, туман тушиши мумкинлиги хабар қилинган эди.