Александр Лукашенко Халқаро олимпия қўмитаси (ХОҚ) санкциялари ва унинг президенти Томас Бахнинг баёнотига муносабат билдирди. Беларусь раҳбари бу масала юзасидан судга мурожаат қилишни таклиф қилди.
“Бах ва унинг тўдаси айбим нима эканлигини исботласин. Айбим, мамлакатимни ҳимоя қилаётганимми?! Нима учун мени жазолаш керак. 25 йилдан бери бу тадбирларда қатнашмайман, бундан кейин ҳам бусиз яшай оламан”, - деган у.
Лукашенко санкциялар ундан ташқари бошқаларга нисбатан ҳам қўлланилганинидан ҳайрон бўлган.
“Менку майли, бир амаллайман, лекин болаларга нега тегиняпсиз? Дунёда адолат йўқ. Агар одилона сиёсат олиб борсанг – ҳеч кимга керак бўлмайсан, душманга айланасан”, - дея фикр билдирган Беларусь раҳбари. Унинг сўзларидан Sputnik Беларусь иқтибос келтирган.