ТОШКЕНТ, 7 дек - Sputnik. Маълумки, пандемия туфайли киритилган карантин чекловлари ва чегаралар ёпилиши туфайли МДҲ шаҳарлари ўртасида парвозларнинг аксарияти бекор қилинди.
Ушбу вазият Россияда ишлайдиган мигрантлар учун ҳам катта қийинчиликлар туғдирмоқда. Ўз иш мавсумини якунлаб уйига қайтишни истайдиган фуқаролар бу йил авиачипталарни ўтган йилларга нисбатан 2-3 баравар қимматроққа сотиб олишга мажбур бўлишмоқда.
Масалан, 2019 йилда Москва – Ўш чипталари 7-8 минг рублдан сотилган бўлса, 2020 йилнинг декабрида 15 минггача кўтарилган.
Москва – Самарқанд йўналишида эконом класс авиачипталар 2019 йилда 10-12 минг рублга сотиб олиш мумкин эди. Бугунги кунда эса уларнинг нархи 30-32 минг рублга кўтарилган.
Москва – Душанбе йўналишидаги чипталар одатда 13-14 минг атрофида сотилган. Айни дамда эса ушбу чипталар нархи - 37 200 рублга чиққан.
Албатта, нархлар ошишига ўзига яраша иқтисодий сабаблар ҳам бор. Россияга Ўзбекистон ва Тожикистон фуқаролари кириши чеклангани туфайли авиапарвозлар бир йўналишга бўш учишга мажбур.
| Йўналиш | 2019 дек | 2020 дек | Ўсиш % | Авиакомпания |
| Москва – Ўш | 8000 | 15000 | 188 % | Аэрофлот, S7, Урал |
| Москва - Самарқанд | 12000 | 30000 | 250 % | Uzbekistan Airways |
| Москва - Душанбе | 14000 | 37000 | 264 % | Somon Air, Tajik Air |
Лекин меҳнат мигрантлари ушбу вазиятда ҳам арзонроқ чипта сотиб олиш имконини топишмоқда. Хусусан, Ўзбекистоннинг Фарғона водийсида, Тожикистоннинг Хўжанд шаҳри атрофида истиқомат қиладиган фуқаролар “Москва – Ўш” чипталарини сотиб олиб, Қирғизистон орқали учиб кетишмоқда.
“Нархлар осмонга учди”: Марказий Осиё мамлакатларига авиачипта нархи қандай ўзгарди
Тожикистон фуқаролари эса Ўзбекистоннинг Самарқанд ёки Термиз шаҳарлари орқали учиб кетишмоқда. Улар учун қўшимча 2000 рубль эвазига ўзбек-тожик чегарагача трансфер ташкил қилинган.
Эслатиб ўтамиз, бугунги кундя барча авиакомпаниялар йўловчиларни самолётга чиқариш учун коронавирусга чалинмагани ҳақида ПЗР маълумотнома талаб қилишмоқда. Маълумотнома парвоздан 72 соатдан узоқ бўлмаган вақт давомида олинган бўлиши керак.