ТОШКЕНТ, 14 ноя - Sputnik. Ўзбекистон халқ артисти Юлдуз Усмонова Давлат хавфсизлик хизматига атаб қўшиқ куйлади.
Хонанда қўшиққа ишланган клипни ўзининг Инстаграммдаги саҳифасида жойлаган.
Қўшиқда: "Халқ ўз ишонганин ишонар сизга, суйиб сайланганин инонар сизга, халқнинг нодир мулки ҳимоянгизда", "Ватанни, юртбошини қўриқлайди чиндан мард йигитлар, мард ўғлонларинг", "Сиз давлат юрагин қалқонларисиз", дея куйланади.
Усмонова таронада барча хизматчилар жасоратини мадҳ этган ва давлат хавфсизлик хизмати ходимларини содиқ ва мард ўғлонлар эканлигини қайд этган.