ТОШКЕНТ, 9 ноя — Sputnik. Мурад Қурбанов Қорақалпоғистон Республикаси соғлиқни сақлаш вазири этиб тайинланди. Бу ҳақда ССВ матбуот хизмати хабар қилмоқда.
Қурбанов ушбу лавозимга Ўзбекистон соғлиқни сақлаш вазирининг тегишли буйруғи билан тайинланди.
У бунга қадар Республика ихтисослаштирилган онкология ва радиология илмий-амалий тиббиёт марказининг Қорақалпоғистон филиали директори вазифасида ишлаб келаётган эди.
Тиббиёт фанлари номзоди Мурад Қурбанов Хўжайли тумани тиббиёт бирлашмаси бош шифокори, Республика онкология диспансери бош шифокори сингари масъул лавозимларда ишлаган.